Y TÎM

Lisa Lucas yw Pennaeth MADE Cymru ac mae’n dod â thros 16 mlynedd o brofiad datblygu busnes i’r rôl. Mae ei chyfrifoldebau’n cynnwys meithrin a chynnal cysylltiadau effeithiol gyda’r sector gweithgynhyrchu yng Nghymru, yn ogystal â datblygu cynigion a rheoli prosiectau ymchwil cydweithredol o fewn y sefydliad.

Gyda’i phrofiad helaeth o reoli prosiectau, mae Lisa wedi datblygu a rheoli sawl prosiect Ymchwil a Datblygu cydweithredol yn llwyddiannus rhwng y Brifysgol a diwydiant. Mae hi hefyd wedi rheoli prosiect Ewropeaidd Cymru gyfan, a fu’n gymorth i dros 200 o fusnesau fabwysiadu systemau a phrosesau newydd.

Dros y degawd diwethaf, cafodd Lisa brofiad o reoli nifer o brosiectau yn y sector gweithgynhyrchu gyda chwmnïau amrywiol eu maint, o gwmnïau angori mawr megis Aston Martin a Calsonic Kansei i BBaCh lleol. Roedd y cydweithrediadau hyn yn amrywio o ran maint, cwmpas, a meysydd ymchwil, gan gwmpasu ystod o dechnolegau.

Mae Lisa yn adnabyddus am ei natur ddymunol a siriol, sydd wedi bod o gymorth iddi sefydlu a chynnal cysylltiadau gwaith cadarnhaol dros y blynyddoedd. Mae hi’n edrych ymlaen yn eiddgar at bob her a ddaw o gyfeiriad tirwedd diwydiant Cymru sy’n esblygu’n gyson ac mae hi’n awyddus i wneud cyfraniad arwyddocaol yn ei rôl fel Pennaeth MADE Cymru.

Alan Mumby yw’r darlithydd sy’n cyflwyno elfennau craidd cwrs Meistr Rheoli Arloesedd Rhyngwladol PCYDDS (MSc ac MBA). Mae hyn yn cynnwys y modiwlau Rheoli Arloesedd a Datblygu Cynnyrch Newydd. Gyda dros 30 mlynedd o brofiad cyfunol fel Dylunydd Cynnyrch ac yna’n Strategydd Dylunio ac Arloesi, mae Alan wedi gweithio i gwmnïau, asiantaethau’r llywodraeth a phrifysgolion yma yng Nghymru yn ogystal â gyda chwmnïau a sefydliadau cleientiaid ledled Ewrop ac Asia. Fe’i hetholwyd yn Gymrawd o Gymdeithas Frenhinol y Celfyddydau yn 1995, ac mae Alan bellach ar fwrdd cynghori RSA Cymru.

Y tu allan i’r gwaith mae ei fywyd yn cylchdroi o gwmpas y gitâr, criced, rygbi a threulio cymaint o amser yn Ffrainc â phosib!

Manufacturing, Quality Green Belt Six Sigma, Industry 4.0

Mae David Jones yn ddarlithydd ar y rhaglen Uwchsgilio ar gyfer Diwydiant 4.0. Yn benodol, mae’n cefnogi prosiectau Ansawdd Gwregys Gwyrdd Chwe Sigma gyda Diwydiant 4.0.

Mae David yn beiriannydd ac yn rheolwr prosiect profiadol sydd â phrofiad sylweddol o weithio yn y diwydiannau hedfan, modurol, olew a nwy ar lefel rheoli gweithredol a goruchwylio gweithfeydd. Mae’n dod â’r profiad o weithio, ym mhob un o’r sectorau, ar gyflwyno cynnyrch newydd, megis y BMW Mini o fewn y sector modurol a llafnau ffan titaniwm ar gyfer Rolls Royce.

Mae wedi treulio cryn dipyn o amser yn gweithio gyda chyflenwyr trydydd parti i wella eu galluoedd gweithgynhyrchu a defnyddio’r offer Gwella Parhaus o fewn diwydiannau sy’n amharod ac yn wrthwynebus i newid.

Dechreuodd Mahesh ei yrfa fel peiriannydd roboteg a bu’n gweithio ar amrywiaeth eang o brosiectau technoleg ar gyfer gwahanol sefydliadau mewn gwahanol swyddi. Roedd rhai o’r aseiniadau gwaith yn cynnwys dylunio, datblygu, profi ac integreiddio roboteg ddiwydiannol a systemau awtomeiddio. Mae ei arbenigedd yn cynnwys roboteg, awtomeiddio, systemau mewnosodedig, dysgu peirianyddol, profi systemau, gwirio, a dilysu ac ati. Yn ystod swydd Cydymaith Ymchwil ym Mhrifysgol Khalifa, Abu Dhabi, sylweddolodd ei angerdd am addysgu a dechreuodd ar swydd addysgu lawn amser ym Mhrifysgol Dubai. Ar hyn o bryd mae’n gweithio fel darlithydd Diwydiant 4.0 gyda MADE Cymru.

Mae gan Lloyd Stoker dros 20 mlynedd o brofiad yn gweithio yn y sector gweithgynhyrchu uwch. Yn ystod y cyfnod hwnnw bu’n ymwneud â datblygu.

cynhyrchion di-rif, gan ddarparu datrysiadau gweithgynhyrchu a chynhyrchu cyflym ar draws ystod eang o sectorau diwydiant. Mae Lloyd yn darparu arweinyddiaeth, rhagwelediad technegol ac arbenigedd yn y technolegau, y prosesau a’r gweithdrefnau pwrpasol a ddefnyddir yn CBM.

Mae Luca Pagano yn Uwch Beiriannydd Prosiect Ymchwil medrus iawn sy’n gyfrifol am reoli a chyflwyno prosiectau ymchwil a datblygu yn PCYDDS. Y mae wedi magu profiad mewn sawl sector, o’r sector Amddiffyn i’r sector Fodurol.

Gyda bron i 10 mlynedd o brofiad ym meysydd ymchwil a datblygu, gall Luca ymgynghori’n rhwydd mewn Dadansoddi Elfennau Meidraidd, Deunyddiau Cyfansawdd, Mecaneg Toriadau, Dadansoddi Methiant, Profi a Gwerthuso Annistrywiol (NDT&E), a Thechnolegau Gweithgynhyrchu Uwch.

Un o hoff bethau Luca yw mynd ar drywydd tasgau sy’n ymddangos yn amhosibl ac mae wrth ei fodd yn mynd i’r afael â phrosiectau peirianneg o gam cynnar y cysyniadau cychwynnol hyd nes cânt eu cwblhau’n llwyddiannus.

Peiriannydd awyrofod gydag arbenigedd deuol mewn dadansoddi rhifiadol cyfrifiannol a thechnoleg Rocket & Space. Ar ôl gweithio am flwyddyn ym maes ymchwil a datblygu i gwmni olew a nwy, penderfynodd Akash wneud doethuriaeth mewn Peirianneg Fecanyddol. Ymunodd â Chanolfan Gweithgynhyrchu Swp Uwch Cymru fel ymchwilydd doethurol, lle bu’n gweithio am dair blynedd i liniaru’r risg sy’n gysylltiedig â mewnblaniadau meddygol pwrpasol argraffedig 3D trwy ddefnyddio technegau ystadegol ar y cyd â dadansoddiad rhifiadol. Ar ôl cwblhau doethuriaeth, ymunodd Akash â MADE Cymru fel Swyddog Ymchwil er mwyn darparu atebion peirianneg glyfar yn unol â Diwydiant 4.0 i BBaCh.

Ers i ochr Ymchwil a Datblygu MADE Cymru gael ei chwblhau, mae Akash wedi bod yn cymhwyso ei arbenigedd i amrywiaeth o brosiectau cyffrous gyda CBM yn PCYDDS.

Mae Andrew Killen yn uwch gymrawd ymchwil yn PCYDDS, yn arbenigo mewn peiriannau tyrbinau nwy, gwyddor deunydd, a modelu cyfrifiadurol o fewn y diwydiant awyrofod. Yn ogystal â hyn, mae gan Andrew ddiddordeb mawr mewn dylunio cynhyrchiol Ai ac optimeiddio systemau mecanyddol cymhleth ar raddfa fawr sy’n ategu ei gefndir dylunio peirianyddol. Treuliodd Andrew 5 mlynedd fel aelod allweddol o brosiect a ariannwyd gan y diwydiant mewn partneriaeth â Rolls-Royce Plc, lle cynhaliodd ymchwil arloesol ar ludded cylchred uchel ac effaith diffygion arwyneb ar aloion awyrofod.

Cyn ei raglen doethuriaeth ddiwydiannol, cwblhaodd Andrew Radd Meistr mewn Peirianneg Beiciau Modur yn PCYDDS, gan ganolbwyntiodd ar ddylunio injan hylosgi mewnol a modelu thermodynamig. Drwy gydol ei yrfa academaidd, mae Andrew wedi gweithio ar amrywiaeth eang o brosiectau heriol ac mae wrth ei fodd yn gweithio ar broblemau peirianneg cymhleth.

Ers i ochr Ymchwil a Datblygu MADE Cymru gael ei chwblhau, mae Andrew wedi bod yn cymhwyso ei arbenigedd i amrywiaeth o brosiectau cyffrous gyda WISA yn PCYDDS.

Amanda Hayden yw’r Prif Swyddog Prosiect ar brosiect I4.0 Cymru. Mae gan Amanda dros 28 mlynedd o brofiad o reoli a gweinyddu prosiectau yn y sector addysg uwch. Mae Amanda wedi rheoli a chydlynu llawer o gysylltiadau masnachol rhwng y Brifysgol a sefydliadau fel y Weinyddiaeth Amddiffyn, Stenor ac Oceaneering. Mae hefyd wedi bod yn arweinydd allweddol ar yr agenda entrepreneuriaeth myfyrwyr, gan drefnu digwyddiadau a gweithgareddau proffil uchel byd-eang er mwyn cael effaith gadarnhaol ar nifer y myfyrwyr sy’n dechrau eu busnes eu hunain. Arbenigedd Amanda yw rheoli digwyddiadau a phrosiectau – yn strategol ac yn weithredol.

Y tu allan i’r gwaith mae Amanda yn hoffi treulio amser gyda’i theulu a’i ffrindiau, mae hi wrth ei bodd yn cymdeithasu a chadw’n heini a mynd am dro gyda Frankie, ei babi fflwfflyd.

Fel Uwch Gymrawd Ymchwil yn gweithio o fewn Arloesedd ac Ymgysylltu, mae Ashley ar hyn o bryd yn ymwneud â llu o brosiectau, yn cynnwys rhaglen Cyflymydd Digidol SMART, gan

ddod â chyfoeth o arbenigedd a phrofiad i’r tîm. Cyn ymuno â’r Drindod Dewi Sant, treuliodd Ashley ddwy flynedd a hanner fel Arweinydd Prosiect ym maes Profion Annistrywiol, gan reoli ystod amrywiol o brosiectau mentrau ymchwil masnachol a chydweithredol. Mae ganddo brofiad o arwain a goruchwylio gwaith arolygu ar y safle, gan sicrhau bod pob canllaw yn cael eu dilyn a bod gwaith yn cael ei gyflwyno i’r ansawdd uchaf.

Ers ymuno â PCYDDS, mae Ashley wedi defnyddio ei arbenigedd mewn peirianneg a rheoli prosiectau i gyflawni nifer o brosiectau llwyddiannus yn y brifysgol. Mae gan Ashley BSc mewn Peirianneg Fodurol ac MSc mewn Gwerthuso a Phrofi Annistrywiol (NDT&E), y ddwy radd o PCYDDS, a hefyd ystod eang o wybodaeth dechnegol i ysgogi a chyflwyno amrywiaeth eang o brosiectau.

Ers i ochr Ymchwil a Datblygu MADE Cymru gael ei chwblhau, mae Ashley wedi bod yn cymhwyso ei arbenigedd i amrywiaeth o brosiectau cyffrous gyda WISA yn PCYDDS.

Gyda dros ddeng mlynedd o brofiad o weithio yn y sector Addysg Uwch, yn ddiweddar mae Neil wedi ymgymryd â rôl y ‘Prif Swyddog Prosiect’ yng nghyfres MADE o brosiectau.

Gan weithredu fel y cyswllt gweinyddol rhwng staff Academaidd a myfyrwyr, mae llygad craff Neil am fanylion a’i agwedd bositif yn sicrhau bod tasgau’n cael eu cwblhau’n brydlon a gyda chyn lleied o ffwdan â phosibl.

Yn ei amser hamdden, mae Neil yn hoffi crwydro siopau elusen i chwilio am recordiau finyl a hen duniau (i gadw ei bethau mân). Mae hefyd wrth ei fodd â thatws rhost, deinosoriaid a Hip-Hop ‘yr Oes Aur’.

Mae gan Lucy dros 20 mlynedd o brofiad o farchnata – digidol, cynnwys a brand. Ar ôl dechrau ei gyrfa mewn asiantaeth hysbysebu yn Llundain, mae ganddi brofiad helaeth o adeiladu brandiau effeithiol i gleientiaid. Ers symud yn ôl i Abertawe, mae hi wedi rheoli’r marchnata ar gyfer llawer o brosiectau a digwyddiadau.

Yn MADE Cymru, mae’n gofalu am y cyfryngau cymdeithasol, cynnwys, y wefan a chyfathrebu allanol – ac mae’n cefnogi’r tîm cyswllt busnes. Mae hi hefyd yn gweithio’n agos gyda thîm Cyfathrebu Corfforaethol PCDDS.

Y tu allan i’r gwaith mae Lucy yn hoffi bragu cwrw, The Cure ac ioga.

Gyda dros ugain mlynedd o brofiad mewn cymorth a hyfforddi Technoleg Gwybodaeth, Mike Swanson sydd yn y sefyllfa orau i ddarparu cymorth parhaus i dîm MADE ar feddalwedd a datblygiadau dysgu digidol.

Ymysg diddordebau Mike mae Argraffu 3D, coginio a gwisgo fyny fel cymeriadau Star Trek, ac unwaith enillodd y teitl ‘Ceidwad Pysgod Gorau’ y DU yn y cylchgrawn Tropical Fishkeeping.

Ac yntau’n Ddylunydd Addysgol IIM ac I4.0, mae Glyn yn gyfrifol am greu cynnwys ar-lein ar gyfer prosiectau MADE. Gan ddefnyddio ei brofiad o’r diwydiannau creadigol, mae Glyn wedi dod â’i sgiliau a’i allu creadigol i addysg uwch, gan greu animeiddiadau pwrpasol a graffeg sy’n symud, datblygu adnoddau addysgu deinamig i staff academaidd eu defnyddio yn yr amgylchedd addysgu, yn ogystal ag ymgysylltu â chyfryngau at ddibenion hyrwyddo.

Yn ei amser hamdden, mae Glyn yn mwynhau creu gwaith celf a chysyniadau wedi eu hysbrydoli gan yr 80au gan ddefnyddio ei obsesiwn â ffilmiau a theitlau ffilmiau, yn ogystal ag ymdrechu i greu’r baned berffaith.